Podcast Oñati Irratia

14 sailek osatzen dute Aloña Mendi Kirol Elkartea eta guztien aurkezpena antolatu da ostiralerako, 75. urteurrenaren harira. Plazan izango den ekitaldiaren inguruko xehetasunak eman dizkigu antolatzaile taldeko kide den Aratz Losadak.

Euskararen eta hitanoaren erabilera sustatzeko lehiaketa da IkusHI! DBH3. mailatik Batxilergo 2. mailara arteko herriko ikasleei zuzenduta dago. Parte hartzeko izen-ematea zabalik dago, irailaren 27ra arte. Urriaren 12an formazio tailerra izango dute Gaztelekuan.

San Migel eta Errosaixo jaixak ate joka dauden honetan aurkeztu da jai egitaraua. Izaro Elorza alkatea, Iñai Olalde Kultura batzordeburua eta German Meabebasterretxea Kultura teknikariak antolatu den egitarauaren xehetasunak eman dituzte.

Joxe Angel Urkiak eta Iñazio Irizarrek Wikipedia osatzeko lana egiten dute Pake Leku elkartean. Baina wikipediarako ez ezik, webgune berri baterako artikuluak ere idatzi eta zuzentzen dituzte. Egitasmo biren aurkezpena egingo da etzi Pake leku elkartean.

Antolakuntza taldeko Iosu Lizarralde izan dugu gonbidatu eta bihar egingo den Mendi Martxaren azken ordua ekarri digu.

Paula Ibabe dugu Parketxeko arduraduna eta berak azaldu dizkigu Arantzazura ekarri berri duten Ruraltxa argazki erakusketaren nondik-norakoak, parketxeak duen erakusketa iraunkorra edota bertatik antolatzen dituzten ekintzak eta eskaintza didaktikoa.

Oneka Anduaga izan dugu gaur Oñati irratian. Auzoko-Oñatiko dinamizatzailea. Ikasturtea urrian hasiko dutela aurreratu ditu eta herritarrak, "auzotar" nahiz "auzokideak" parte hartzera animatu ditu.

Iñaki Galdosek idatzi duen liburua da "Abentura bat baino askoz gehiago" eta Boiseko unibertsitateak Oñatin antolatu zituen Campus-en berri ematen du. Aurrekariak, zailtasunak, ondorioak eta bizipen pertsonalak azaldu zituzten Iñaki Galdosek eta John Bieterrek ostiralean egindako aurkezpenean.

Ganbara Faktoria osatzen duten talde bakoitzaren hitzorduak zehaztu eta azaldu dituzte taldeen ordezkariek. AHOTSEN FAKTORIA izena jarri diote denboraldi berriari.

Turismoaz, San Martingo zuhaiztiaren egoeraz, zabor tasaren igoeraz eta Oñatiko anbulantzia medikalizatuaz berba egin dugu, besteak beste, Izaro Elorzarekin.

Amagoia Arrieta boccia jokalariaren entrenatzailea da oñatiarra eta hari laguntzen egon da Parisen. Orain urtebete amestuko ez lukeen esperientzia "berezi" honen berri eman digu.

Izenburu hori duen liburua ondu du Aritxa taldeak. Egileekin eta hainbat argibide eman dizkieten auzotarrekin berba egin dugu.

HIK, Haurren Irakurketa Kluba, eratu eta martxan jarri asmo dute liburutegian, 24-25 ikasturte honetan. LH-4 eta LH-5eko haurrei zuzendutako eskaintza da aurtengo nobedadea. Gainontzeko irakurle taldeen eskaintzak eta idazketa tailerrak bere horretan jarraitzen duela gogoratu digu Arantzazu Ibarrondok.

Antolakuntza taldeko Xabi Barrena izan dugu gurean eta bihar gaueko Kantoikrit pobaz azken ordukoa azaldu digu.

Manu Egaña, Parrokiako Misio taldeko kide moduan, Gineako Errepublikara joango da datorren astean, 2019tik babesten ari diren proiektua bertatik bertara ikusteko. Bide batez, eraiki eta martxan jarri diren bi eskolen gastu korronteak bertako agintari edo erakundeek hartu ditzaten bilerak egingo dituzte.

Valentziako taldearen gonbidapenak abiatu du Oñatiko Musika Bandaren BIDE BERRIA izan daitekeena, hau da, elkartrukerako bidea. Burjassoteko banda asteburuan etorriko da Oñatira eta igandean kalejira eta kontzertua eskainikod ute, oñatiarrek urriaren 18-20an itzuliko diete bisita. Aito biain zuzendariarekin berba egin dugu.

"Ura (eta beste) energia iturri (batzuk) Oñatin" gaia aukeratu da eta hori irudikatzen duten koloretako nahiz zuri-beltzeko argazkiak aurkeztu ahal izango dira lehiaketara. Oñatin erroldatutako guztiei irekitako lehiaketa da eta argazki berriekin batera, garai batekoak ere onartuko dira, beti ere egiletza ziurtatuta.

Sortu duen irudia azaldu digu egileak berak. Herritarrek emandako 262 botoetatik 130 eskuratu ditu.

"Biblioporrak" gidan jaso diren hainbat titulu komentatu eta gomendatu dizkigu Arantzazu Ibarrondok, gaur, liburutegira egin dugun bisitan.

Nerea Quincocesek sortu zuen folk taldea da "Kuttune" zuzenean ezagutu eta entzuteko aukera izango dugu bihar, Kalean programazioaren baitan. Taldearen aurkezpena Nereak berak egin digu

Lazarraga Kultur Elkarteko komunikazio arduraduna da Amaia Kerexeta oñatiarra. Ostegunean irekiko da Izaskun Arrue kulturgunea, tira-bira askoren ondoren.

Murala margotzen hasi dira Arte udalekuetako partaideak Atzeko kaleko atzealdeko garaje atari batean. Lanaz eta arte udalekuez aritu gara begirale eta gaztetxoekin.

Caja Rural-ALEAko txirrindularia Madrilen dago, bertako itzulian parte hartzen. Euskadun txapelketa 3. postuan amaitu ondoren atseden txiki bat hartu du baina lehiatzeko gertu dago berriro.

Txirrindularitzari lotutako bizitza izan du Mikel Lizarraldek orain arte, eta apirilean jubilatu zenetik ere, txirrindua hartu eta pare bat orduko buelta ez ei du barkatzen.

Naroa Garcia da Jaturabe IX kobaren indusketa lanen zuzendarietako bat eta bertan zer egiten ari diren eta zer topatu duten azaldu digu.