Driesestig

Natasha Lyon vertel van Suid-Afrikaanse heuning wat by ‘n simposium in Kopenhagen te proe was, waar 142 lande verteenwoordig was. Die heuning het verskillende biome in Suid-Afrika verteenwoordig.

Stefan Gerber vertel vir Martelize Brink van die alternatiewe gebruike van wol, soos klankdigting, lugsuiwering en vuurvasting.

‘n Indiese hof het die staat aangesê om handskriflesse deel van die mediese skoolkurrikulum te maak. Volgens die hooggeregshof is ’n leesbare mediese voorskrif is 'n fundamentele reg.

Chantel Boonzaaier gesels met Martelize Brink van Rhodes-eiland af in Griekeland, waar sy as sangeres werk.

Diederik Geldenhuys van Riversdale is bekend in dié streek vir sy interessante blomkuns. Hy is gaande oor inheemse plante, en sy vingers is natuurlik grasgroen. Hy sê plante laat sy gees vry sweef in 'n andersoortige wêreld. Haidee Muller-Isaacs het hom raakgeloop op Heidelberg, waar hy haar ook van sy twee geliefde donkiekinders vertel het.

Die owerhede in Windhoek is ontevrede nadat ‘n partytjie in die Gammams-begraafplaas gehou is. Daar was ‘n sitplekplan, ‘n kattebakpartytjie en koelhouers vol drank.

Veearts dr. Elizna Boag vertel vir Martelize Brink van kossoorte wat toksies is vir honde en katte.

Marion Holm vertel van RSG se nuwe middagvervolgverhaal, en haar rol as Greta le Roux.

Ansie Nieuwenhuis vertel vir Martelize Brink dat sy Jan se stem oor die foon herken het, omdat sy elke aand hom en sy orkes hoor oefen het.

‘n Stoeier en sterkman van Egipte het twee skepe van 1 050 ton gesleep aan ‘n tou tussen sy tande!

'n Opsitkers, 'n volla, ‘n vragmotor en die dorpie Zeerust is alles elemente van die boek ZEE'KIE, WANT ONS IS ALMAL SO. Nou is daar al ‘n tweede Zee'kie, EENDERS IS ANDERS, uitgereik. Dis alles te danke aan ‘n klomp inwoners wat besluit het hulle gaan begin skryf oor hulle leefomgewing. Mariska Spoormaker het met Elsabé Fouché, een van die Zee’kie-dryfvere, gepraat, en sy het weer ander Zee’kie-s...

Kos- en kultuurhistorikus Hetta van Deventer-Terblanche praat oor kamille, wat veral vir tee gebruik word.

‘n Kunssentrum vir kleuters in Australië het besluit om hulle finansiële probleme aan te pak deur ouers R25 000 vir hulle kinders se portefeuljes te vra. ‘n Ouer het toe ingebreek om ‘n kind se werk te gaan haal.

DuPreez Strauss vertel vir Martelize Brink hoe hy kuns geskep het in ‘n donker tyd van sy lewe. Daardie houtskoolsketse het hom gehelp om op ‘n ligter plek te kom.

Haide Muller-Isaacs het op Lambertsbaai aan die Weskus vir Netta Viljoen ontmoet. Sy vertel van haar grootwordjare op dié kusdorpie as een van elf kinders. Netta woon al sedert die jare 50 op Lambertsbaai.

Dr. Ria Smit vertel watter rol hialuroonsuur in jou liggaam speel.

Die eienaar van Pole se grootste hotelgroep en eiendomsontwikkelaar wil mense beloon vir kinderskry. So byvoorbeeld kry jy ‘n gratis familiepartytjie, soos ‘n doop of troue, as die kind in een van sy 4 000 hotelkamers verwek is.

Die Kaapse Floraryk, of Capensis, is een van ses Floraryke op aarde. Unesco het reeds 21 jaar gelede, in 2004, dié toevoeging op hulle wêrelderfenisgebiede aangebring. Vandag, op Erfenisdag, is dit ook Fynbos Erfenisdag, en vir tuinliefhebbers is dit ‘n gulde geleentheid om met ‘n inheemse stukkie tuin te begin. Ironies Johan Rademan het ‘n Gautengse fynbosinvloed in...

Mia Scheepers vertel vir Martelize Brink van Soekit, wat jou aanlyn help in Afrikaans.

China se sensors is besig om pessimisme te verwyder van die internet. Sosialemedia-profiele en kort video’s oor negatiewe goed wat die aanlyngemoed swaar maak, word geblokkeer.

Hennie van der Merwe vertel van sy lewe in Bali in Indonesië. Hy bly naby Singaraja. Hy sê daar is twee seisoene, maar beide is warm.

Prof. Pieter Gouws verduielik hoe om die verskillende soorte braairoosters skoon te maak.

Die Ig Nobel-toekennings word gegee vir navorsing oor goed wat jou eers laat lag, en dan laat wonder. Byvoorbeeld, word ‘n bees wat swart en wit soos ‘n sebra geverf is, minder deur vlieë gebyt?

Veearts dr. Elizna Boag praat oor velallergieë by honde, en hoe gemaak met die gekrap.

Met die afgelope Wêreld Oorplantingspele wat in Dresden, Duitsland gehou is, is dr. Heilie Uys van Kaap St. Francis, wat al langer as 20 jaar met ‘n geskenkte nier leef, in die Eregallery van die Wêreld Oorplantingspele Federasie opgeneem. Heilie het ook met 'n handvol medaljes teruggekeer na Suid-Afrika.