Driesestig

Dr. Roelie Kloppers vertel van die 30x30 NOW-veldtog en die internasionale doelwit om 30% van die land en see teen 2030 te bewaar.

Dieetkundige Irene Labuschagne deel die jongste voedingsriglyne vir mense met ADHD.

Doccie Shields vertel vir Martelize Brink hoe hy sy roeping gevind het om droogtehulp aan te bied.

Jare lank was Freddie de Jager, inwoner van Hankey in die Oos-Kaap, ‘n verwer tot ‘n ongeluk met ‘n hoekslyper hom letterlik van sy voete geruk en sy inkomste in duie laat stort het. Maar toe kry hy ‘n boodskap in ‘n droom, en nou is hy Kaap St. Francis se bekende skepper van walvisse uit hout. Mariska Spoormaker het Freddie gaan opsoek, en hom tussen sy walvisse gekry.

Frans Swart, stigter van die Oppiwater Kunstefees en vervaardiger van teaterproduksies, gesels oor sy dae as kameraman op die stel van Liewe Heksie, en sy ervaring in die TV-wêreld van desjare.

Gabriel Theron praat oor die stand van die daggabedryf in Suid-Afrika, na aanleiding van die aankonding in die staatsrede dat groot uitbreiding in die bedryf oppad is.

Jacob van Schalkwyk vertel vir Johan Rademan en Martelize Brink van sy kontemporêre kuns.

Daagliks hoor ons op sakenuusverslae en lees ons in sakeverslae woorde waarmee ons nie vertroud is nie of nie weet wat dit beteken nie. In GeldGids se reeks, GeldAlfabet, verduidelik ons paneel kundiges die algemeenste sakeverwante woorde, van A tot Z, en die betekenis daarvan. Geldverwante begrippe wat onder die letter U val, word bespreek deur Linda van Greuning van HGG se Trust-sake-eenheid en...

Glenn Hans vertel van die Vannie Hanover Park-beweging wat tydens grendeltyd gebore is om sy buurt se mense georganiseerd aktief te kry.

Swemmer Tatjana Schoenmaker gesels met Johan Rademan en Martelize Brink oor haar gouemedalje-ervaring by die Olimpiese Spele en die lewe tussen byeenkomste.

Daar is net sowat 1 600 witkruisvleivalke (in Engels bekend as black harriers) oor in die wêreld. Tot die vreugde van natuurliefhebbers in die Oos-Kaapse Kougastreek, kom dié valk se grootste kommunale slaapplek in hierdie gebied voor. Wentzel Coetzer, bewaringsfasiliteerder van die Groter Kromme-omgewingsprogram, het Mariska Spoormaker na dié spesiale plek net buite Jeffreysbaai geneem.

Prof. Renata Schoeman vertel vir Johan Rademan en Martelize Brink hoe jy jouself teen 'n psigopaat kan beskerm.

Andries Dirks is ‘n kunstenaar wat welbekend is in die Riebeekvallei. Hy is ook ‘n aktivis vir sy Khoi-kultuur, wat hy in sy werk vasvang. Hy was amper ‘n dekade lank in die tronk voordat hy sy lewe omgedraai het, en vandag ander jong kunstenaars in sy gemeenskap motiveer om die regte besluite te neem. Johan Rademan het met hom gesels.

Gert Van Wyk is sedert 1986 aan 'n rolstoel vasgekluister ná 'n motorongeluk. Moenie dink dit het sy lewensvlam geblus nie. Gert is bekend daarvoor dat hy graag met sy vroulief dans - sy op haar voete en hy in sy stoel. Hy vertel vir Haidee Muller-Isaacs wat desjare met hom gebeur het.

Dr. Nardus le Grange vertel vir Johan Rademan en Martelize Brink van die gebruike van Botox, anders as vir net die skoonheidsbedryf.

Reon Pienaar praat oor vinnige modes en die tekstielbedryf se bydrae tot die rommelprobleem.

Deonette van der Westhuizen vertel vir Martelize Brink van natuurlike parfuum wat in Plettenbergbaai vervaardig word.

Brixton is ‘n woonbuurt ‘n klipgooi van die SAUK in Johannesburg. Die gebied teen die bult is in 1902 gevestig, en die uitsaaitoring, die bekendste baken in die woonbuurt, is in 1961 gebou. Die Sentechtoring pronk steeds teen die bult, en was die middelpunt van die onlangse Ligfees wat deur die mense van Brixton gehou is. Jacqui January gesels met een van die buurt se bekendste inwoners, Elzabé Zi...

Auke Slotegraaf vertel vir Martelize Brink van die erfenismane. Plaaslike name is aan die maan toegeken, en vandeesweek maak die Dassievolmaan sy verskyning.

Heidi van Wyk gesels met Martelize Brink oor haar ervaring as ‘n vrou in die romantiese afspraakwêreld, en haar blog www.oujongnooitjie.com.

Wynman en oudomroeper Bennie Howard vertel vir Martelize Brink van sy dae as by die radio. Hy was onder andere deel van die eerste Monitorspan.

Stephanie du Toit vertel vir Martelize Brink van Pickleball, die vinnigste groeiende sport in die VSA, wat tydens die Covid-pandemie in gewildheid toegeneem het. Op Memel is daar ook nou ‘n baan gebou.

RSG se voormalige stasiebestuurder Mohamed Shaikh gesels oor sy pad met radio.

Op die vakansiedorp Jeffreysbaai in die Oos-Kaap kry ‘n mens die One Village-organisasie, wat van die standpunt uitgaan dat ‘n mens slegs kan hoop om verbetering in weerlose mense se lewe te probeer bring deur onder meer goeie voedingsprogramme en markgerigte opleiding aan te bied. Mariska Spoormaker het meer gaan uitvind.

Johan Conradie vertel vir Johan Rademan en Martelize Brink van die Buccaneer-vliegtuig se geskiedenis in Suid-Afrika.