Driesestig

‘n Werker by ’n kitskos-deurryrestaurant in Texas het ‘n pistool op ‘n klant gerig en op sy bakkie geskiet, nadat hy gekla het dat die aartapppelskyfies nie by die bestelling was nie.

Katlego Maboe vertel vir Martelize Brink van sy nominasie as beste TV-aanbieder by die Suid-Afrikaanse Film- en Televisietoekennings.

Haidee Muller-Isaacs kuier by die 87-jarige Ant Clara Wilscott. Sy vertel haar interessante lewensverhaal van haar dae as bloedjong huiswerker in die Fraserburg-distrik, haar moeilike kinderjare as oudste van 21 kinders, en hoe sy later haar pa op die plaas gehelp het as touleier.

Wilfred Williams vertel vir Martelize Brink wat groen beleggings in die toerismebedryf is, en wat Cape Nature hieroor doen.

In Griekeland het ‘n trop skape 100 kg medisinale dagga opgevreet!

Dawie Botha vertel vir Martelize Brink in SO IS DIE LAND GEBOU van Suid-Afrika se geskiedkundige bergpasse.

In 1685 het Simon van der Stel in sy joernaal, ná sy besoek aan Namakwaland, melding gemaak van ‘n besondere plant wat verweef is in die Khoi- en San-kultuur. Vandag word hard gewerk om die kwaliteite van dié plant aan Suid-Afrikaners bekend te styel en dit op die wêreldmark te vestig. Jacqui January was by die African BioTrade Festival waar sy met plantkundige Albert Ackhurst gesels het oor sy pa...

Paul Job vertel vir Martelize Brink hoe hy by lugvaartfotografie betrokke geraak het, en gee wenke om beter vliegtuigfoto’s te neem.

Ná ‘n reis van sowat 4 800 km vanf Venezuela af, deur Mexiko tot by Amerika, in sy eienaar se rugsak, sal Niko die eekhoring en sy eienaar se paaie moet skei. Die eekhoring sal nie toegelaat word om Amerika binne te gaan nie.

Marius Wheeler vertel vir Martelize Brink van Rocherpan Natuurreservaat, waar sowel die grootste as kleinste flaminkspesies te sien is.

Jou erfenis lê nie net in standbeelde, geboue, landsvlae en die natuur nie. Dit lê ook in familieverhale, wat selfs oor kontinente kan strek. Skrywer en digter van die Baai, Trudie Wegener, het juis met die oog op haar nageslagte heelwat familieverhale neergepen. Dit is hulle erfenis, sê Trudie vir Mariska Spoormaker.

Amos van der Merwe vertel vir Martelize Brink van Pinnacle Point se 55 meter lange tonnel waar erfenis in mosaïek vasgevang word.

‘n Tienjarige seun en sy elfjarige suster is in Florida in Amerika van die pad afgetrek, 320 km van hulle huis af. Hulle het weggeloop nadat hulle ma hulle elektroniese speelgoed afgevat het.

Sjef Manché Muller vertel vir Martelize Brink van Harvest Table, wat aangewys as die beste internasionale kookboek by die World Gourmand Cookbook Awards.

Hetta van Deventer-Terblanche vertel vir Martelize Brink van die speserye wat geur gee aan Suid-Afrikaanse koskultuur se unieke smaak.

Sandy Cipriano vertel van Cupcakes of Hope, en wat haar genoop het om bewusmaking en fondsinsameling te doen ten bate van kinders met kanker.

Haidee Muller-Isaacs gesels met Susan Njeyiyana, 'n junior dosent in Suid-Afrikaanse Gebaretaal aan die Universiteit van Stellenbosch se Fakulteit Algemene Taalwetenskap. Sy is sedert die ouderdom van drie doof. Hulle gesels met die ondersteuning van die tolk, Marsanne Neethling.

Herman van Velze gesels oor roei in Suid-Afrika en die Wêreld Roei Meestersregatta wat by Roodeplaatdam gehou word.

‘n Eiland in die Stille Oseaan, Niue, wil 127 000 vierkante kilometer se gebiedswater geborg kry, om dit teen plastiekbesoedeling en die oorbenutting van visbronne te beskerm.

Anton Treurnich gesels met Martelize Brink oor sy loopbaan en Dor, die nuwe RSG-middagvervolgverhaal wat hy geskryf het.

As jy vir iemand hoop wil gee, moet jy hulle bedien. Dís die leuse van Penny de Klerk van Paarl Doenit. Ander praat, sy dóén. Penny is gedurig aan't pennies omdraai om behoeftiges in haar gemeenskap se swaarkry te verlig. Sy vertel vir Haidee Muller-Isaacs hoe haar ouma Nellie Steyn, desjare die vroedvrou op Riversdal, haar dit al in die jare sestig op haar kinderhart gelê het.

Annalize Kotze van Iziko Musuems praat oor die lot van menslike oorskot in museums en universiteite se besit. Sy deel wat Iziko Museums doen om die oorskot hulle besit by hulle nageslagte te kry om begrawe te word.

Sydney in Australië het ‘n totale verbod op oop vure ingestel. Jy mag nie braai, ‘n kampvuur maak of selfs swys nie. Dit is gedoen om brande in hulle droë en winderige weersomstandighede te voorkom.

Dawie Botha gesels in SO IS DIE LAND GEBOU oor bergpasse, skanskorwe, rotsankers en vangnette.

In watter metropool in die land kan jy teen sterk skemer tussen struik en boom loop, en die gloeiende liggies van vuurvliegies sien? In Nelson Mandelabaai, sal Mariska Spoormaker jou vertel nadat sy met haar honde in sterk skemer in ‘n gedeelte van die Baakensriviervallei naby die woonbuurt Millpark gaan loop het. Dié stukkie natuurhemel bestaan omdat die omliggende inwoners in 2017 die Mill Park...