Driesestig

Starbucks in China verkoop nou varkgeur-koffie. Dit word met gebraaide varkvleis op ‘n stokkie bedien.

Dawie Botha vertel in SO IS DIE LAND GEBOU verder van die konstruksie van die Hetzogtoring, deesdae bekend as die Sentechtoring in Brixton, Johannesburg.

Drie jaar gelede het huisrowers Ilke Soine se huis in Nelson Mandelabaai binnegedring. ’n Skoot het haar skrams teen die kop getref. Ilke het besluit sy is nié ’n slagoffer nie. Vandag is sy, op 52 jarige ouderdom, een van die hoogs gekwalifiseerde veiligheidsbeamptes by Tac Net, ‘n private sekuriteitsbedryf in Gqeberha. Abri Pienaar, eienaar van Tac Net, het vir Mariska Spoormaker meer vertel.

‘n Man in Amerika gaan hof toe om $340 miljoen met rente te eis, ná ‘n fout op die lotery webblad. Foutiewe wennommers was drie dae lank op die webblad vertoon, en mnr. Cheeks se loterykaartjie het met daardie nommers ooreengestem.

Prof. Carol Simon vertel van borselwurms soos wonderwurms, maanskynwurms, poedingwurms en bloedwurms, wat as aas vir visvang gebruik word.

‘n Ekotoerisme spesialis, Gerhardt van Greunen, praat oor oor die gradering van staproetes, bergfietsroetes en perderoetes. Strande kry Blouvlagstatus, en roetes kry Groenvlagstatus.

Sjef Pieter Malan vertel van sy ervaring by die Kulinêre Olimpiese Spele, waar hy onlangs brons gewen het. Hy het as ‘n individu ingeskryf toe Suid-Arika nie ‘n span stuur nie. Pieter is die groep uitvoerende sjef by die vooraanstaande Fiesta Hotels and Residences in Accra, Ghana.

‘n Man in New York het ‘n wet benut wat sê as jy in ‘n enkelkamer is, in ‘n gebou wat voor 1969 opgerig is, moet hulle vir jou ‘n ses maande huurkontrak gee. Só bly hy vyf jaar gratis. Toe besluit hy, siende dat hy die kamer gekry het, het hy indirek die hele hotel gekry, siende dat alles een eenheid is. Toe hy die eienaarskap van die New Yorker Hotel na hom toe probeer oordra, toe kom haal die po...

Haidee Muller-Isaacs het gaan inloer by 'n teater in die Kaapstadse voorstad, Observatory, waar die blinde klavierspeler en sanger. Lee van Wyk. besig was om te repeteer vir haar nuwe vertoning. Lee vertel vir Haidee van haar intense passie vir musiek, in weerwil van snedige kommentaar van sommiges wat meen dat dit nie juis 'n regte werk is nie...

Hetta van Deventer-Terblanche praat oor MSG.

Op Wêreldradiodag het Radio Overberg, ‘n gemeenskapsradio op Bredasdorp, met Len Clark gesels wat vandag 98 jaar oud is. Len was betrokke by die SAUK vanaf 1949 as sanger by die program, Koffiehuis, en agter die skerms. Hier is 'n kort uittreksel uit die onderhoud wat Radio Overberg met ons gedeel het.

In Lancaster in Engeland begrawe vrywilligers jaarliks duisende ou kersbome tot by hulle onderste takke in die sand op die strand. Dit vang waaisand op, om binne ses maande tot ‘n jaar duine te vorm, wat die natuur honderde jare sou neem.

Karina Fullard vertel vir Martelize Brink van haar lewe en werk in Ho Chi Minh Stad in Viëtnam.

As ‘n mens deesdae na die lowerryke St. George’s Park langs die Sentraalgebied van Gqeberha kyk, is dit moeilik om te dink dit was voor 1861 ‘n windverwaaide vlakte. Benewens die lieflike tuine en konserwatorium, is die 73 hektaar-park ook die tuiste van onder meer Suid-Afrika se oudste tennis- en rolbalklub. Verval het egter oor die jare ingetree, en verslaafdes en misdadigers het die park oorgen...

‘n Vrou in die VSA het agter in die vullisvragmotor beland, en is vier keer saam met die vullis vasgedruk, voor die bestuurder op ’n kamera gesien het daar is iemand tussen al die vullis.

Zoë Brown gesels oor haar loopbaan in die media, om dinge ‘n bietjie stadiger te vat, en drie maande van getroud wees.

Haidee Muller-Isaacs gesels oor die liefde met pasgetroudes Marlon en Riana Macalagh. Hulle was jare lank aan dwelms verslaaf, en is nou heeltemal skoon. Hulle vertel hoe hulle mekaar in 'n nagskuiling ontmoet het, getrou het, en nou 'n reguit pad stap met mekaar met die Here aan die stuur van hulle huwelikskarretjie.

Prof. Helmuth Reuter verduidelik hoe liefdesdoepas werk.

‘n Regter in Amerika het bedank toe dit bekend word dat sy 500 teksboodskappe aan die balju gestuur het, terwyl sy ‘n moordsaak aangehoor het.

Dawie Botha vertel vir Martelize Brink in SO IS DIE LAND GEBOU van die konstruksie van die Hertzogtoring in Brixton. Dit staan deesdae bekend as die Sentech-toring.

Jacqui January draai van die grootpad af, en kuier op De Rust in die Klein Karoo saam met Werner Alberts.

Owerhede in Australië vra om verskoning nadat helikopters rioolwater vir brandbestryding gebruik het. Twee woonbuurte moet nou stappe doen nadat hulle blootstelling aan rioolwatersproei gehad het.

Pierre-André Cronjé vertel vir Martelize Brink van die Afrikanerbees se rol tans, en in die geskiedenis, waar hulle onder andere die ossewaens getrek het.

Hier is die rare, maar ware verhaal van ’n klomp tarentale wat ’n baba-uiltjie wou doodmaak. Die uiltjie is deur ‘n mens gered, maar moet nog aansterk. Dan is daar ook die storie oor kraaie wat skilpadstropers is. Mariska Spoormaker het oor dit alles gepraat met Arnold Slabbert, natuurbewaarder en pesbeheerder in Nelson Mandelabaai en omstreke.

Roshana Naidoo praat oor die rol van openbare kuns, en die agtste Internasionale Openbare Kunsfees in Kaapstad.