Driesestig

Sondae is dit aanbidding in die kerk uit die NG-stal, maar in die week is dit ’n gemeenskapsentrum, kleuterskool en opleidingsentrum vir mense van enige geloof en kultuur. Dié besonderse kerk, die Anchor of Hope Church, is in Richmond Hill, die Baai se mees multikulturele voorstad. Mariska Spoormaker het met dominee Gillie Noeth, leraar van die kerk, gaan praat.

Prof. Jako Volschenk vertel vir Martelize Brink Suid-Afrika verbruik meer ekologiese hulpbronne per jaar as wat die planeet se kapasiteit is om dit in ‘n jaar hergenereer.

Daggakwekers het 10 ton grond in 'n huurhuis ingedra om hulle produk te verbou.

Henri Swiegers vertel vir Martelize Brink van muskadel. Dis een van die eerste druifsoorte wat aan die Kaap geplant is. Dié gefortifiseerde soetwyn word deesdae al hoe minder geproduseer.

Koshistorikus Hetta van Deventer-Terblanche gesels oor speserye en wildsvleis in die res van die wêreld, soos die Hongare wat ’n wildspot (ghoelasj) maak met baie paprika en knoffel.

Haidee Muller-Isaacs loer in by die Collective Arts Theatre in Boston, Bellville. Dis hier waar Gavin Wright gemeenskapsteater aanbied vir amateurs - kinders en volwassenes van alle ouderdomme.

’n Amerikaanse vrou het op 105 haar meestersgraad by Stanford Universiteit gekry, 83 jaar nadat sy die kampus verlaat het!

Caleb Swanepoel vertel hoe hy sy been in ’n haaiaanval verloor het, en nou saam met haaie swem om mense bewus te maak van bewaring van die oseaan. Dié sewemalige para-branderrykampioen en akteur se haaiswem is te sien in die kortfilm, Caleb: Beyond the Bite.

Martelize Brink gesels met die twee wenners van RSG se Matriekafskeidskompetisie, Thembi Jane Buys en Tumelo Diale. Sy praat ook met Alicia Landman en Vicky Mynhardt van die Elizabeth Galloway Academy of Fashion wat die uitrustings vir die twee wenners sal maak.

In Cheyenne, Wyoming, in die VSA staan ‘n kunsmatige intelligensie kletsbot vir die posisie van burgemeester. Dis egter teen Open AI se beleid om ChatGPT vir politieke veldtogte in te span.

Helmut Meijer gesels oor hoe hy betrokke geraak het by die skep van klankbaanmusiek, en hoe die proses verskil tussen projekte.

Haidee Muller-Isaacs het gaan kyk wat alles by die Oudtshoorn Vereniging vir Persone met Gestremdhede gebeur, en vind meer uit van hulle kunsprojekte.

McDonald’s het hulle kunsmatige intelligensie stemherkenningstoerusting in die pad gesteek. Die stelsel het klante se bestellings geneem. Daar was egter verskeie vreemde foute, soos ‘n bestelling vir roomys met spek!

Dawie Botha vertel in SO IS DIE LAND GEBOU hoe die Aqualibrium-kompetisie tot stand gekom het, waar skoliere soos siviele ingenieurs oor water moet dink.

As jy n ou tiekie in die kas het, het Pierre Nortje, sekretaris van die Numismatiese Vereniging in die Wes-Kaap, dalk vir jou nuus oor wat dit werd is. Hy vertel ook waar die woord, tiekie, sy ontstaan het.

‘n Skool in Massachusetts het 23 stelle tweelinge in hulle Graad 8-groep. Tien persent van die skool se graad 8’s is tweelinge!

Dr. Didi Claassen praat oor hondsdolheid by robbe.

Van 2018 af het Tangible Africa aflyn rekenaarkoderingsklasse na skole wêreldwyd gebring met hul Tanks en Boats-programme. Nou is daar Juicy Gems, ’n koderingsprogram wat ook ’n kennis van landbou verg. ’n Internasionale Juicy Gems koderingstoernooi is pas gehou vir leerders in enige graad. Die wenner is die tienjarige Jonah Kruger, ‘n graad 4-leerder van die Laerskool Lorraine in die Baai. Marisk...

Gabrielle Brook en Ruben Cruickshank vertel vir Martelize Brink van die United Space School wat hulle binnekort by NASA in Houston, Texas, gaan bywoon.

’n Kroeg in Engeland is as politieke party registreer. Die doel hiervan is eintlik om die kroeg op 77 000 stembriewe te adverteer.

Gerhard Boerssen vertel van Kaapstad se Hhistoriese Europese gevegskunsklub waar jy leer om soos in die Middeleeue met swaarde te veg.

Koshistorikus Hetta van Deventer-Terblanche praat oor Middeleeuse speserye soos asafoerida, duiwelsdrek.

Nick van der Westhuizen vertel vir Martelize Brink van die 328 eenhede bloed wat hy oor 54 jaar en 7 maande geskenk het.

Die gholfbaan van Silvies Valley Ranch in Oregon in die VSA het buitengewone joggies. Bokke word opgelei om die gholfstokke te dra op die baan wat te steil is vir gholfkarretjies.

‘n Sakeman van Durbanville, Febbie Malherbe, het pas Die Comrades-marathon voltooi. Hy het in April ook aan die uitmergelende Marokko-sandwedloop oor ses dae in die Saharawoestyn deelgeneem. Daar was 870 deelnemers, wat die ses skofte van 250 km in 40 grade Celsius getakel het. Johan Rademan het oorgedraf om met Febbie te gesels.