Driesestig

Daar is nie minder nie as 13 verskillende spesies termiete opgeteken in Sub-Sahara Afrika. Termiete loop kwaai deur onder gifstowwe omdat hulle groot skade kan aanrig wanneer hulle begin boor en vreet aan hout. Daar is egter ‘n uitweg - ons kan hulle eet! Jacqui January hoor by ‘n wetenskaplike dat termiete ‘n baie smaaklike en hoogs voedsame insek is.

Haidee Muller-Isaacs het 'n draai by Kasteel de Goedehoo in Kaapstad gemaak om te kyk na die slawe-uitstalling.

Schalk Burger Senior gesels met Johan Rademan en Martelize Brink oor sy rugbydae, die naweek se wedstryd teen die All Blacks, en hoe hy soms sy lyf musikant hou.

Skaars het Mariska Spoormaker ‘n onderhoud gevoer met Solly Luyt oor die waarwording van sy lewenslange droom om ‘n paramedikus te word, of sy moes hom dringend bel vir ‘n ambulans toe ‘n 74-jarige buurman, Alan Beukes, in sy huis geval en bly lê het. Hieruit het Mariska geleer: Wanneer jy in ‘n noodgeval bel vir 'n ambulans, is dit belangrik dat jy elke vraag so goed as moontlik antwoord, want di...

Dr. Ida Wilson gesels met Johan Rademan en Martelize Brink oor die stappe wat nou reeds gedoen moet word om voedselopbrengs te verhoog om die geweldige voedseltekorte aan te spreek wat vir die 2050-bevolking voorspel word.

Nelis Roos vertel vir Johan Rademan en Martelize Brink van Fouriesburg en omgewing as toerismebestemming.

Renee Slee vertel vir Johan Rademan en Martelize Brink van die Stiastuin op Stellenbosch, wat die naweek oop is vir die publiek.

Chris Willemse Jnr. vertel vir Johan Rademan en Martelize Brink van fietsrakke om daardie peperduur fietse en e-fietse veilig te vervoer.

Charné le Roux praat oor die volhoubaarheid van die spa- en skoonheidsbedryf.

Prof. Hendrik Swart vertel vir Johan Rademan en Martelize Brink hoe fisika se studiegrense verskuif word met 'n nuwe X-straal-masjien.

Angelo Heyns vertel vir Johan Rademan en Martelize Brink van die Karoo Woestyn Nasionale Botaniese Tuin op Worcester, die enigste vetplant botaniese tuin in die Suidelike halfrond. Dit is vanjaar 100 jaar oud.

André Bloem vertel vir Johan Rademan en Martelize Brink wat die gevolge van drank- en dwelmgebruik is by jou werk.

Ismael Louis verkoop snoek. Hy droom daarvan om sy eie skuit te besit, sodat hý die een is wat vars snoek uit die water kan trek. Haidee Muller-Isaacs het hom in die strate van die Bo-Kaap raakgeloop.

Dr. Linda-Louise Geldenhuys praat oor opleiding vir toerismesektor.

Herman Watney gesels met Martelize Brink oor veiligheid en sekerheid by wonings.

Daar is baie geheimenisse en onverklaarbare verskynsels in die natuur. Dit het ons voorouers genoop om deur middel van storievertelling die natuurskatte en die kennis daarvan te onthou en behou. Jacqui January vertel die storie…

Kunstekaap is 50 jaar oud. Martelizze Brink praat met rolspelers oor die teater se erfenis en wat dit al vir die wêreld gewys het.

Weet jy wat 'n handpan is? Nee, dit is nié ‘n pan waarin jy eiers bak nie, maar 'n unieke akoestiese musiekinstrument, ook minder bekend as n skoot-staaltrom. Die beste van dié handpan of staaltrom blyk te wees dat nie net enigiemand dit kan speel nie, maar dat die klanke ook ‘n kalmerende uitwerking het. Dave Parkin is die enigste persoon in Afrika wat dit vervaardig. Mariska Spoormaker het by sy...

Maggi Loubser, programkoördineerder en senior lektor in tasbare erfenisbewaring by Tukkies, vertel wat kulturele erfenisbewaring behels en hoekom dit belangrik is.

Jare lank is daar onwettig vullis gestort op ‘n oop stuk veld langs die Hillside Tegniese Hoërskool in die woonbuurt Windvogel in die Baai. Toe besluit die skool se leerlinge om dit op te ruim en te omskep in ‘n parkie. Mariska Spoormaker het gaan kyk hoe dit lyk, en daar vir Brenda Paulsen, ‘n onderwyseres van Hillside, raakgeloop.

Emile Joubert gesels met Martelize Brink oor 'n Sauvignon Blanc-wynkompetisie tussen tien van Suid-Afrika en tien Nieu- Seelandse wyne om saam te val met die 100ste rugbywedstryd tussen die twee lande.

HGG Finansiële Groep bied die reeks, Geldgids, aan om in dié tyd van geldverknorsing hoop te gee en kennis oor te dra. Niek van den Berg en Riaan Lindeque van HGG se Welvaart-sake-eenheid lig ons toe oor spaarkunde. Hulle gee ook raad oor wat die beste benutting van 'n meevaller is. hggroep.co.za

Wilhelm Coetzee vertel vir Johan Rademan en Martelize Brink van Alldays en omgewing as 'n toerismebestemming.

Gershwin Cupido het swaar grootgeword in die Hessequa-distrik as die kind van 'n plaaswerker/huishulp-ma. Hy het uitgestyg bo sy omstandighede. Hy vertel vir Haidee Muller-Isaacs van sy passies en sy werk onder die jeug op die platteland. Hy vertel ook dat sy vrees om Ingels te praat, darem nou al effe bedaar het.

Johannes Schickerling vertel vir Johan Rademan en Martelize Brink van die emosionele uitdagings van kinders tydens die Covid-19-pandemie.