Driesestig

Susan Lochner vertel vir Johan Rademan en Martelize Brink van die Grootbos Stigting wat vereer is vir hulle werk in die gemeenskappe en om die omgewing te bewaar.

Landskapkunstenaar Strijdom van der Merwe vertel van ‘n rolprent wat oor hom gemaak word.

Dr. Gerhard Verdoorn en Janet Lawless vertel vir Johan Rademan en Martelize Brink van die veiligheid van landbouchemikalieë en die veiligheidsmaatreëls wat in die bedryf ingestel word.

Jannie Strydom praat oor die omvang van vrugtediefstal in die Wes-Kaap.

Kospersoonlikheid Peter Veldsman gesels met Johan Rademan en Martelize Brink op sy 80ste verjaarsdag.

Haidee. Muller-Isaacs gesels met Enrique Pietersen oor sy liefde vir die Dysselsdorp-gemeenskap en die kinders, waar daar soms geen hoop is nie. Sy hooor hoekom daar na hom verwys word as Meneer Waardes.

Prof. Andries Stulting vertel vir Johan Rademan en Martelize Brink waarom hy op 73 ‘n MBA verwerf het.

Claire Grobbelaar praat oor die nodigheid van honde-opleiding, en gee raad oor hoe om dit by die huis te doen.

Samara Cloete gesels met Johan Rademan en Martelize Brink oor die regulering van aanlynskole.

Dieetkundige Irene Labuschagne praat oor plantaardige vervangers vir vleis, soos seitan.

Elviza May vertel vir Martelize Brink van die Exposure Youth Club in die Paarl wat kinders van die straat af hou met kreatiewe kunsvorme.

Jaco Pieterse gesels met Martelize Brink oor ‘n seester-reddingspoging.

Dr. Linda Meyer vertel wat jy in gedagte moet hou voor jy jou werk bedank.

Erica Terblanche praat oor positiewe sielkunde en nuwejaarsvoornemens wat hou.

Maggi Loubser vertel Martelize Brink van die piouterware wat herwin is van die Oranjemund-skeepswrak, die oudste skeepswrak nog wat aan die Sub-Sahara kus gevind is.

Dr. Christiaan Brink vertel vir Martelize Brink van die kritiesbedreigde dubbelbandslangarend.

Daagliks hoor ons op sakenuusverslae en lees ons in sakeverslae woorde waarmee ons nie vertroud is nie of nie weet wat dit beteken nie. In GeldGids se reeks, GeldAlfabet, verduidelik ons paneel kundiges die algemeenste sakeverwante woorde, van A tot Z, en die betekenis daarvan. Geldverwante begrippe wat onder die letter N val, word bespreek deur Tina Thiart, direkteur van HHG NPO Sustainability So...

Haidee Muller-Isaacs gesels met Morné Thysse, die Hoorn se slangvanger. Morné werk al 34 jaar lank vir Oudtshoorn se munisipaliteit - 21 jaar daarvan as slangvanger. Hy sê hy is dol oor sy werk, het respek vir slange, en daarom is hy nooit bang wanneer hy hulle moet vang en na veiligheid neem nie.

Die bestuurder van die Beaufort-Wes Museum, Vuyiseka Myakala, vertel vir Martelize Brink wat mens alles by die museum kan besigtig.

Prof. Ters Brand vertel van 'n projek waar top teelbulle aan opkomende kleinboere in die Wes-Kaap verskaf word om hulle kuddes te verbeter. Sharon February praat ook oor die voordeel wat sy en haar man uit die bulprojek kry.

Deon Louw van Greenpop vertel van die fynboskorridors wat in samewerking met skole op die Kaapse Vlakte aangelê word.

Haidee Muller-Isaacs gesels oor die heel eerste, en ook die heel laaste, langspeelplaat van Oudtshoorn se Môrester Senior Sekondêre Skoolkoor, wat in 1973 gemaak is. Die koorleier destyds was Bennie Arends. Haidee het vir hom op haar tuisdorp gaan kuier.

Suid-Afrika het unieke Oujaarstradisies. Tabied Dante, ‘n lid van die uitvoerende komitee van die Kaapse Maleierkoorraad, is al 22 jaar lank betrokke by die koor as afrigter, en ook by die Kaapse Klopse. Hy vertel van die Oujaarsaandlopies of staptogte en wat die verskil is tussen die Maleierkoor en die Kaapse Klopse.

The Invaders, ‘n popmusiekgroep wie se liedjies heelwat lewens bygekry het sedert hulle laaste album, THERE’S A LIGHT, THERE’S A WAY, 46 jaar gelede uitgereik is. Hulle musiek is steeds só gewild dat die DAK-netwerk ‘n standbeeld vir hulle op hulle tuisdorp, Kariega, wil oprig.

En nou is ons weer terug by die Van Stadensrivier, waar die Baai se eerste opgaardam in 1885 opgerig is om toe al die droogtegeteisterde streek se dors te help les. Mariska Spoormaker praat verder met David Raymer, gewese munisipale wateringenieur, oor die tweede dam wat in die Van Stadensrivier gebou is om bykomende water na die groeiende Port Elizabeth via pyplyne te stuur. In 'n vorige afleweri...