Driesestig

Motorjoernalis Marnus Hattingh praat oor die veiligheidstelsels in voertuie. Van die tegnologie is al baie jare oud.

‘n Man is in Indië op die lughawe betrap met 47 luislange en twee akkedisse in ‘n sak. Die sak het vreemd beweeg, en toe is die smokkeldiere ontdek.

Jeanne Hugo van der Merwe vertel vir Martelize Brink dat sy oorsee Picasso en Rembrandt se werke verkoop het, maar nou wil sy kuns toeganklik maak in Kaapstad se noordelike voorstede.

Wat is beter? Moet jy huis koop of huur?

Met minister Barbara Creecy se aankondiging van die visvangverbod rondom die eilande waarop die Afrika-pikkewyne voorkom, het die hoop weer begin opvlam dat Algoabaai se kritiek bedreigde pikkewyne tog sal oorleef. Maar daar is nog ander struikelblokke wat oorkom moet word, het Ronelle Friend, ‘n Baaise omgewingswetenskaplike, aan Mariska Spoormaker gesê.

‘n Filmikoon in Indië se jongste rolprent het daarvoor gesorg dat ondernemings hulle werknemers ’n dag af gegee het om dit te gaan kyk. Sommige maatskappy het ook fliekkaartjies vir hulle werkers gekoop.

Herman van der Westhuizen vertel vir Martelize Brink van sy ervaring met die Ocean 7-swemuitdaging. Hy is die 23e persoon in die wêreld om die Engelse kanaal, Noordseekanaal, Catalinakanaal , Tsugarustraat, Straat van Gibraltar, Molokaikanaal en Cookstraat te swem.

Die Kaapse Vlakte Natuurreservaat is ‘n bewaringsinisiatief van die Universiteit van Wes-Kaapland. Die reservaat van 34 hektaar beslaan sowat ’n kwart van die kampus. Dis ‘n besondere en bedreigde biodiversiteitsgebied, wat unieke kus- en sandfynbosspesies huisves. Jacqui January gesels met die sterk span vroue wat die leiding daar gee. Minnelise Levandal is die bestuurder, en sy vertel hoe die re...

Zach Prins vertel vir Martelize Brink hoe kunsmatige inteligensie in die kombuis ingespan kan word. Hy is die programmeerder van MyFoodieBot wat jou kosmaakvrae op WhatsApp beantwoord.

‘n Amerikaanse burgemeester, wat voorheen ‘n polisiehoof was met drie dekades in die diens, het gaan visvang en 31,7 kg kokaïen uit die water gehaal.

Kirsten Neuschäfer vertel vir Martelize Brink van haar ervaring tydens die Golden Globe-soloseiljagvaart om die wêreld. Sy is die eerste vrou wat dié wedvaart gewen het.

Kaapse wynmeester Bennie Howard en wyn- en leefstylskrywer dr. Winifred Bowman vertel vir Martelize Brink van die Instituut van Kaapse Wynmeesters wat vanjaar 40 jaar oud word.

Ds. Farren Cloete, leraar van die VGK op Lambertsbaai, is op 28 die eerste vroueleraar van die gemeente, en ook een van die jongstes. Sy gesels oor haar ongewone manier van preek, haar reuse hakskoenversameling en hoekom haar pienk kerk op Lambertsbaai wawyd oopstaan vir al wat leef en beef.

Peggy Jones van Texas was besig om gras te sny, toe ‘n slang op haar arm val, om dit krul en haar begin pik. Die volgende oomblik probeer ‘n valk om sy prooi terug te kry! Die valk is op die ou end weg met die slang, en Peggy is hospitaal toe.

Dawie Botha vertel vir Martelize Brink van die projekte en bouwerke in Noordwes, soos Sun City en die Lost City, die Mooirivier Mall wat bo-oor die Mooirivier gebou is, en die Royal Bafokeng-sportstadion.

Haidee Muller-Isaacs gesels met Bonita Wood, 'n gemeenskapswerker in Mitchells Plain. Sy is eintlik gebore in die Baai, vertel sy, maar dis op die Kaapse Vlakte waar sy nou help om 'n verskil te maak.

Elias P. Nel vertel vir Martelize Brink van ASEM, Afrikaanse Skrywers en Mentors, se uitreik na skole in die Hantamstreek van die Noord-Kaap. Thomas Arendse en skolier Ryan Persens van Hoërskool Brandvlei gesels oor hulle ervaring met ASEM.

Toko-san het 2 miljoen yen, sowat R257 000, spandeer op ‘n skaaphondkostuum waarmee hy op straat verskyn.

Spesialis wildveearts dr. Jacques O'Dell praat oor die verspreiding en verskuiwing van jagluiperds.

Moet nooit ‘n koshuiskind net op sy baadjie takseer nie, en let op na sy spesiale behoeftes. Dit is die raad wat Twanette Abrahams gekry het toe sy as assistentmatrone van Gelvandale Hoër se koshuis aangewys is. Dis nou 12 jaar later, en sy voel steeds soos ‘n broeis hen oor die 112 kinders onder haar sorg, het sy vir Mariska Spoormaker gesê.

Cecil Munch vertel hoe die organisasie, I love Boobies, sport gebruik om vroue in plattelandse gebiede gratis toegang tot borsondersoeke en mammogramme te gee.

Voortvlugtigte Italianer Vincenzo La Porta is deur die polisie in foto’s raakgesien waar hy sy sokkerspan se oorwinning gevier het. Hy is ná elf jaar se soek op ‘n Griekse eiland aangekeer.

John Wilson vertel vir Martelize Brink van die Shackleton 1718 van 35 Eskader wat 60 jaar gelede op 8 Augustus 1963 in Stettynkloof naby Worcester neergestort het.

Cobus Toerien vertel vir Martelize Brink waar die gerieflikste plek is om op 'n vliegtuig te sit.

Haidee Muller-Isaacs kuier by Seline Kasner op Joostenberg Vlakte. Hulle gesels oor haar besoeke aan gevangenes in Thailand, die uitreike waarby sy betrokke is, die volmaanpartytjies en haar hospitaalbesoeke.