Driesestig

Jak de Priester vertel vir Johan Rademan en Martelize Brink van Koppieteefontein op TV, asook die produksie met Portchie by die Toyota US Woordfees.

Portchie gesels oor die samewerking tussen hom en Jak de Priester vir die Woordfees Koppieteefontein-produksie in Portchie se ateljee.

Johan Swart vertel vir Johan Rademan en Martelize Brink van sy loopbaan met keramiek, en sy oop ateljee tydens die Toyota US Woordfees.

Kultuur- en koshistorikus Hetta van Deventer-Terblache vertel meer van heuningkoek, speserye, rose en suikerbos.

Haidee Muller-Isaacs gesels met die voormalige hoof van Tygerberg Hoërskool, Chris van der Westhuizen. Hy is 'n bobaas storieverteller wat vorrheen die kostelike storie van sy kleremaakster-ma, Tant Nellie Naald, vertel het. Chris vertel nou vir Haidee die vermaaklike storie van sy studentewerk by ’n kroeg op Prieska, op ‘n trein en as 'n appie by 'n motorwerktuigkundige.

Dis Dwergisme Bewusmakingsmaand. Bernadine Nel gesels oor aanvaarding, en die dag tot dag lewe van ‘n persoon van kort statuur. Haar man gesels saam.

CJ Stander gesels uit Ierland oor die Rugby Wêreldbeker, en ‘n nuwe fonds vir ‘n opkomende rugbyster wat teen kanker veg.

Daan Morkel se restourasie van ‘n 1960-vliegtuig het daartoe gelei dat hy ’n vliegveld gebou het op sy plaas in Wellington. Johan Rademan het Diemerskraal Vliegveld besoek.

Opvoedkundige sielkundige Liesl Blomerus verduidelik waarvoor om op die uitkyk te wees met kinders se geestesgesondheid.

Marguerite van Eeden gesels oor haar doktorale studies wat op sosiale kommentaar in die teater fokus, haar jong loopbaan as aktrise, haar passie vir die land en burgerskap.

By die onlangse Afrika Bio-Handel Skou in Johannesburg, het Jacqui January gaan kyk na die uitstallings van organiese produkte. Denise Robertson, een van die uitstallers, het joernalistiek studeer, maar is deesdae ‘n suksesvolle entrepreneur, en maak gesonder koesterkos in haar fabriek op George.

Ernie Mellet vertel vir Martelize Brink van die Amateur Skrywersbond wat vanjaar 10 jaar oud is.

Siviele Ingenieur Werner Jerling vertel vir Martelize Brink van al die masjienerie wat op die konstruksieterrein gebruik word.

By 'n gimnastiekklub vir jong kinders in Stellenbosch, hoor Haidee Muller-Isaacs twee uiteenlopende stories van 'n ouer en ‘n jonger gimnastiekafrigter. Levena Josephs het nie dat kanker in haar pad staan om steeds daar te wees vir die jong kinders by haar gimnastiekskool nie. Bernice Poole vertel vir Haidee hoe sy as jong talentvolle gimnas nooit haar eie drome kon bereik nie, tog het sy die spor...

Martelize Brink gesels met Nicci van der Merwe van Waves for Change, ’n organisasie wat hom daarvoor beywer om met terapeutiese branderrysessies, geestesgesondheidsdienste aan kinders in agtergeblewe gemeenskappe te verskaf.

Dr. Marienne de Villiers vertel vir Martelize Brink van die Knysnaloerie, wat deesdae op die nuwe 50 sent-muntstuk pryk.

Daar is mense wat sê Gqeberha is nes ’n koliekbaba - as hy nie nat is nie, is hy winderig. Dis hoekom dit Suid-Afrika se Winderige Stad, oftewel the Windy City, genoem word. Maar is dié beskrywing korrek? Mariska Spoormaker het by Garth Sampson van die Baaise weerkantoor gaan kers opsteek.

Daar is meer slaghoenders in die wêreld as alle ander voëls saam! Voëlgriep onder hoenders moet dus soms te wagte wees. Izaak Breytenbach, die hoofbestuurder van die SA Pluimveevereniging se Braaikuiken-organisasie praat oor die impak van voëlgriep op die Suid-Afrikaanse hoenderbedryf, en hoe dit hanteer word.

Diaan Grobbelaar vertel vir Martelize Brink van die Silwer Valke se geskiedenis, en hoe die vliegspan opereer.

Hetta van Deventer-Terblanche praat oor die gebruik van speserye in koeke.

Suid-Afrika se biodiversiteit is ryk en veelsydig, en die benamings in die volksmond is net so kleurryk. Jacqui January vind meer uit van kelkiewyn en kruidjie-roer-my-nie.

’n Aligator, ‘n ondersteuningsdier met ‘n groot gevolg op sosiale media, is toegang tot ‘n bofbalwedstryd geweier. Hy was nie daar om die wedstryd te kyk nie... hy moes die spelers ontmoet.

Peet Reyneke vertel vir Martelize Brink van die SA Amandla, voorheen John Ross, ‘n 47-jarige sleepboot wat betrokke was by verskeie reddingsoperasies. Dit is nou uit diens gestel, en word skroot.

Drie Michelinster-restaurante in vyf dae is n luukse, en kan jou baie rande uit die sak jaag. Arina du Plessis, kosredakteur van Landbouweekblad, was onlangs in Bangkok in Thailand waar sy by drie Michelinster-restaurante geëet het teen die prys van ‘ wegneem pizza in Suid-Afrika!

MJ Cho vertel van die sukses wat sy video’s op sosiale media het. Hy is in Suid-Korea gebore, maar het in Suid-Afrika grootgeword. Sy humoristiese Afrikaans het reeds vir hom meer as 255 000 volgelinge op TikTok besorg.